جراح
القلب المصري البروفسيور د."مجدي يعقوب" قاد فريق بحثي طبي لإنجاز جديد في
مجال زراعة الصمامات في القلب .. إيه الحكاية؟.. إن د."مجدي" وفريقه ابتكروا
صمامات جديدة للقلب مصنوعة من الألياف بتتزرع في الجسم وبتتكامل مع خلايا الجسم وبمرور
الوقت بتدوب وبتسيب مكانها صمام حي مكون بالكامل من أنسجة المريض نفسه ..
وده
هيعمل إيه؟.. هينهي للأبد عمليات استبدال صمامات القلب اللي بتتعمل حالياً، وهتنقذ
حياة آلاف الأطفال اللي بيتولدوا وهما عندهم مشاكل في القلب وبيضطروا يزرعوا ليهم أكتر
من صمام على فترات لحد ما يوصلوا لمرحلة البلوغ .. لأ.. دلوقتي الصمام الجديد هيتزرع
مرة واحد وهيكبر مع الطفل واحدة واحدة ..
ليه
ده مهم؟.. لإن الصمامات المأخوذة من الحيوانات بيبقى عمرها الافتراضي بالكتير 10 سنين
ده غير إن في حالات كتير جهاز المناعة في الجسم بيرفضها لكن في الصمامات الجديدة الوضع
مختلف .. هي صمامات قلب طبيعية مصنوعة من الألياف بتنمو بشكل طبيعي في الجسم ..
وأضافت الفنانة المصرية وفاء عامر، قائلة : الفرحة
اللي في عين د."مجدي يعقوب" الراجل أللي عمره تجاوز 80 سنة وهو بيتكلم عن
الإنجاز اللي على وشك التنفيذ فرحة شاب لسه عمره 20 سنة لمجرد إن الابتكار ده وأللي
جه بعد سنين من الشغل والبحث والتفكير هينقذ حياة أكبر عدد من الناس .. كان ممكن يتقاعد
وكده كده هو حقق أللي محدش هيسبقه فيه وبقى له تاريخ منور.. بس لأ .. هو مصمم يشتغل
لآخر نفس للهدف السامي ده .. إنقاذ حياة الناس ..
راجل
عظيم ومحترم ومش هيتكرر تاني وفخر حقيقي لمصر.. ربنا يديله الصحة ويبارك فيه.
#وفاء_عامر
ليست هناك تعليقات:
إرسال تعليق