فيديو بمناسبة عيد الغطاس | كل حاجة عن القلقاس .. بطريقة الشيف أبانوب عادل

بمناسبة عيد الغطاس .. و " أللي ماياكُلش قلقاس يصبح من غير رأس " .. البوست دا والفيديو هتلاقوا فيه كل حاجة عن القلقاس .. بطريقة الشيف الشاب أبانوب عادل ... 

 

أول حاجة أمتى اشترى القلقاس؟ 

نشترى القلقاس بعد الدنيا ما تمطر هو معروفة كدا من زمان 

اختاره ازاى بقى ؟

      * الأول لازم القلقاسة تبقى مدورة ولا طويلة ولا واخدة شكل بيضاوى هنختار بس القلقاسة المدورة .

      * تانى حاجة يكون عند رأس القلقاسة فى لون بمبى علشان تبقى حلوة .

    * و كمان تكون القلقاسة فيها  بروز مفيهاش أى خروم .

 

 انضفه ازااااى ؟

طبعًا قبل ما اقشره اغسله كويس كدا علشان لو فيه طين و أبدأ اقشره .. فى طريقتين :

الطريقة الأولى : اقشره و تكون السكينة نضيفة و مفيهاش ماية علشان الطريقة الأولى مش هغسله خالص ف مش عاوز اى ماء توصله

الطريقة التانية : بعد ما اقشره اغسله كويس جدا و انقعه ليلة فى الماء علشان ينزل كل المادة المخاطية اللى جواه و بعدها انشفه

 

ازاى بقى أخزنه ؟

بعد ما اقشره و انضفه و لو غسلته أو مغسلتوش احطله عصره ليمونه و تحطه فى اكياس ثلاجة و احطه فى الفريزر يقعد معاك فترة طويلة جدًا 

 

اطبخه ازاى بقى ؟

مفيش أسهل من كدا حلة على النار و فيها شوربة أول ما تسخن انزل بالقلقاس لحد ما يستوى ..

الشوربة ماكنش بتغلى لأن لو بتغلي هيستوي من برا و من جوه هيبقي مش مستوي ..

و لما يستوي انزل بالسلق أو الكزبرة أو طماطم ..

 

طب السلق بقى ؟

فى طريقتين :

الطريقة الأولى : اجيب السلق و اقطع صغير جدا و احطه فى حلة على النار لحد ما ينزل مايته و يشربها انزل عليه بالسمنه يتحمر و انزل عليه بالثوم و ابدا اطحنه كويس .

الطريقة التانية : حلة على النار انزل بالسلق و السمنة علطول و الثوم و ميتحمروش اول ما ينزل مايته احطه فى الخلاط و معاه كزبرة خضرا و أضيفه على القلقاس .

  وطبعاً فى الطريقين ممكن أضيف كزبرة خضراء و شبت .

 

أخزن السلق ازاى ؟

مبعد ما اعمله بالطريقة الأولى أو التانية احطه فى كيس تلاجة و على الفريزر .

الصفحة الرسمية للشيف أبانوب