الفجالة بوست الدولى : حكاية
ميرنا ببساطة .. هى طالبة بكلية الصيدلة الجامعه البريطانية ، حيث اشتركت
في مسابقة بجامعتها عن clinical skills وهو عبارة عن قسم بيركز على المريض أكثر وعلاقته بالأدوية .. وبيكون
فيه شوية حاجات دراسية من طب أكثر من صيدلة .. يعني ممكن نقول "ميكس مابين طب
وصيدلة" ...
ونشرت
الصفحة الرسمية لمحبى كنيسة الشهيد مارجرجس بخماروية ، قائلة : إن "ميرنا" دخلت مسابقة
على مستوى جامعتها عبارة عن تشخيص حالة مرضية بالكامل وكتابة تقرير عنها يشمل الأدوية
المطلوبة لعلاج الحالة ، بعيداً عن أي أثار جانبية .. وحصلت
على المركز الأول على الجامعة البريطانية ..
ومن ثم قررت
أن تشارك بمسابقة عالمية يتم عقدها كل سنة من دولة مختلفة لكن بشكل أكبر وموسع وهذه
المرة كانت المسابقة في رواندا بإفريقيا .. وكان
مشترك في المسابقة 45 دولة .. وميرنا كانت داخلة المسابقة بتمثل جامعتها .. لحد
ماجاءها تليفون قبل ميعاد السفر بيومين مُفاده أن الدولة رشحتها نظراً لتفوقها لأن
تمثل مصر في مسابقة clinical skills..
وبالفعل سافرت ميرنا .. لكن كانت الصدمة كبيرة بالنسبالها .. فعندما لما لقت في شروط المسابقة أن لازم أللي يشترك من كل دولة يكون فريق مكون
من خمس أفراد لتمثيل دولتهم .. وهي للآسف كانت لوحدها .. وبالفعل
بدأ الإختبار .. وقدموا لكل الفرق المشاركه حالة مرضية مريضة بالقلب وشوية أمراض تاني .. بحيث الطلبة يشخصوها ويشوفوا أنسب أدوية ليها ولظروفها الصحية .. وأيه
اللي الحالة متاحه تاكله أو تشربه وأيه لا .. وأيه الأدوية الفعالة ليها وأيه لا .. وكل
ده و "ميرنا" ماستلمتش ورق الإختبار نظراً لأنها لوحدها .. فبدأت
تتكلم مع مسؤلة المسابقة البرتغالية وهي زعلانه وبتعيط أنها جاية من مصر لوحدها علشان
تمثل بلدها ومش عاوزة ترجع مكسورة بسبب شرط ملهاش ذنب فيه .
وبعد
اجتماع اللجنة .. قررت تضع بند أستثنائي عن إمكانية قبول فرد واحد يمثل دولته وسلموها
ورق الحالة .. لكن للأسف كان باقي 6 ساعات فقط على إنتهاء
المسابقة وتسليم التقارير .
يعني
كل المجموعات من ال 45 دولة مستلميين الحالة من 18 ساعه .. بالإضافة أن كل مجموعة مكونة
من خمس افراد ، أما ميرنا كانت لوحدها واستلمتها قبل إنتهاء المسابقة ب 6 ساعات فقط .
وقبل
إعلان النتيجة .. كانت فرحانة إنها عملت حاجة بتحبها حتى لو مخدتش مركز .. المهم أنها
شاركت وأثبتت نفسها .. إلى أن تم إعلان النتيجة على الملئ أمام
كل الحاضرين من كل دول العالم .. الفائز الأول على مستوى العالم في مسابقة
clinical skills .. دكتورة ميرنا حسني من مصر ..
ليست هناك تعليقات:
إرسال تعليق