ذكرت صفحة المؤتمر العلمى السنوى
للطلبة الجامعيين بمدينة زويل (Zewail City Science Festival) على موقع التواصل
الإجتماعى "فيس بوك" قائلة : "يدعوكم الوالي محمد على باشا لحضور الاحتفال
الأعظم في قصره المعظّم." ؟؟
كان ياما كان، زمان في الإمبراطورية العثمانية، محمد على باشا كان حاكم
ولاية "مصر"… مصر كان فيها ناس اشتعلت في قلوبهم شرارة مشتعلتش في قلوب حد
غيرهم، وهي شرارة "الفضول" ! ...
بطريقةٍ ما، الناس دول فجأة لقوا نفسهم في زماننا، ولما وصلوا فضولهم قادهم
لعِلم مكانوش يحلموا بيه، الشرارة بقت شعلة لما لقوا علم وتقدُّم، ومفاجآت انبهروا
بيها جدًا، ولا قصص ألف ليلة وليلة !
أول ما رجعوا، لقوا معاهم حاجات كتير عجيبة من اللي شافوها هناك، وفي دماغهم
علم لو قعدوا سنين يكتبوه مش هيخلصوا… فطلعوا كلهم يجروا على القصر، وقالوا لازم يوروه
لكل أهل مصر.
وهكذا بدأ الحدث الأكبر والأهم في قصر الوالي… سمّوه، الـFestival. ✨
الـFestival السنادي
غير أي سنة، هتروح فيه لعالم تاني (حرفيًا)، وهتشوف كل حاجة مشوفتهاش قبل كدة، من علم،
وحضارة.
السنة اللي فاتت عرفنا ليه عالم ممكن يقعد بالسنين يدور على حاجة، والسنادي،
هنشوف إيه اللي ممكن "شرارة الفضول" دي، تقود أي حد ليه.
الـFestival هيكون
4 أيام، كلهم شبه بعض… هيكون الاحتفال في قصر الوالي متقسّم لخمس أجزاء كالآتي:
- أول حاجة هيكون "المجلس" (Mini-talks)، وفيه هتشوفوا الناس
اللي فضولهم شقّلهم طريق للمستقبل دول، وهتسمعوا حكاياتهم وانتم في عالمهم.
- تاني حاجة "البازارات" (Kiosks)، واللي فيها هتشوفوا
إثباتات للعلم اللي اتحكالكم عنه بعينيكم.
- تالت حاجة هي حاجة أول سنة تتعمل، وهتكون مفاجأة…! "العرّافة".
العرّافة هتاخدك لعالم من السحر والشعوذة ومليان علم، وهتحس بكل حاجة بتحصل
حواليك…! تفتكروا هي إيه؟ ;)
- رابع حاجة هو"المشغل" (Experiments)، واللي فيه هتقدر تعمل
تجارب، وتختبر العلم بنفسك!
-وخامس حاجة هو "المسرح" (Talk & Show)، واللي فيه هتشوف عروض
تحط ليومك في القصر أجمل نهاية. ♥ 🎭
ليست هناك تعليقات:
إرسال تعليق