 |
| المستشار أمير رمزي |
في لحظات الضعف والضيق، كلنا بنحتاج كلمة تطمّن قلوبنا.
الكلمات دي ممكن تكون سبب في رجوع الأمل من جديد …
مهما تكون حالتك اللي وصلتلها،
مهما كانت في مشاكل وضيقات وضعف ..
طالما فيك نفس .. خلي عندك ثقة، الأمور هتتغير ..
على قد ما هتثق وترمي أحمالك على ربنا،
مستحيل ربنا يكسفك أو مايستجيبش.
اللي خلى امبارح يعدي كويس .. هيعدي بكرة،
اللي امبارح نجانا .. النهاردة وبكرة هينجينا،
اللي ستر امبارح .. هيستر بكرة،
اللي استجاب امبارح .. هيستجيب بكرة،
مفيش مستحيل مع ربنا ..
رجائك واتكالك على ربنا مالهوش حدود،
كل حاجة تنفع .. طالما وثقت فيه.
ماتعملش نفسك كبير مع ربنا ..
اترمي عليه زي الأطفال وقوله: صلح انت.
اوعى تيأس ….
لأنه هو إله حي وكلي الحب والرحمة.
خليك دايمًا فاكر إن الأمل في ربنا عمره ما بيضيع.
✍️ هذه الكلمات كتبها
المستشار أمير رمزي
ليست هناك تعليقات:
إرسال تعليق